فلسطینیاں وانڳوں اسرائیلی یرغمالیاں کوں وی موت اتے تباہی دا سامݨا اے، حماس

مقبوضہ بیت المقدس۔2نومبر  (اے پی پی) فلسطینی تحریک مزاحمت  حماس دے پولٹ بیورو دے سربراہ اسماعیل ہنیہ آکھیا جو غزہ اچ حماس دی قید اچ موجود یرغمالیاں کوں وی فلسطینیاں وانڳوں موت اتے تباہی دا سامݨا اے۔ سعودی خبر رساں ادارے موجب انہاں آپݨے ریکارڈ تھیے ویڈیو سنیھے اچ آکھیا جو اساں مصالحت کاراں کوں اے ڳالھ زور ݙے تے آکھی اے جو او قتل عام رکواون۔ انہاں مغربی قوماں توں مطالبہ کیتے جو او غزہ اچ اسرائیلی وحشت اتے موت دے کھیݙ دے خلاف آپݨا احتجاج اتے مظاہرے جاری رکھن تانجو فیصلہ ساز حلقیاں تے دباؤ ودھایا ونڄ سڳے۔ حماس دے عسکری ونگ ولوں جاری بیان اچ آکھیا ڳئیا جو جبالیہ پناہ گزین کیمپ تے اسرائیل دی بمباری اچ ست یرغمالی وی ماریے ڳئن جئیں اچ ترائے کول غیر ملکی پاسپورٹ ہن۔