ملتان ۔ 02 نومبر (اے پی پی) نگران وزیراعلیٰ پنجاب محسن نقوی ولوں نشتر ہسپتال 2 کوں 31دسمبر تئیں چلاوݨ دی ڈیڈ لائن پاروں منصوبے تے تکھے کم تھیندا پئے۔ ایں بارے ایڈیشنل چیف سیکرٹری جنوبی پنجاب کیپٹن( ر) ثاقنب ظفر خمیس کوں سیکرٹری سپیشلائزڈ ہیلتھ کئیرجنوبی پنجاب افضل ناصرخان دے رلے نشتر ہسپتال ٹو دا دورہ کیتا۔ ایں موقع تے آئی ڈیپ دے پرا جیکٹ ڈائریکٹرعدنان رحمت پراجیکٹ دی تکمیل بارے بریفنگ ݙتی۔ایڈیشنل چیف سیکرٹری جنوبی پنجاب ہسپتال دی بیسمنٹ، گراؤنڈ فلور اتےفرسٹ فلور دا معائنہ کیتا جڈانجو آرتھو، گائنی اتے پتھالوجی بلاک،ایمرجنسی، ویٹنگ ایریا،ایڈمن بلاک اتے ریڈیالوجی ڈیپارٹمنٹ کوں چیک کیتا اتے فارمیسی اتے آپریشن تھیٹرز دا وی معائنہ کیتا۔ کیپٹن (ر) ثاقب ظفر نشترہسپتال 2 دافرسٹ فلور31دسمبرتئیں انتظامیہ دے حوالے کرݨ دا حکم ݙتے۔
