غزہ جنگ اچ 31 صحافی اتے میڈیا کارکن ہلاک تھی ڳئن ، سی پی جے

نیویارک ۔3نومبر  (اے پی پی) امریکا  دی غیر سرکاری تنظیم  صحافیاں دے تحفظ دی کمیٹی (سی پی جے)  ابتدائی تحقیقات اچ ݙسیا جو غزہ اچ ست اکتوبر توں جاری جنگ اچ اکتوبر دے چھیکڑ تئیں 31 صحافی اتے میڈیا کارکن ہلاک تھی ڳئن۔ سعودی ذرائع ابلاغ موجب مطابق اے کمیٹی غزہ جنگ اچ ہلاک اتے زخمی تھیوݨ آلیاں دے علاوہ حراست اچ ڳھدے ڳئے یا لاپتہ صحافیاں دی ساری رپورٹس دی چھان بین کریندی پئی اے۔ سی پی جے موجب جیڑھے صحافیاں دی ہلاکت دی تصدیق تھئی اے انہاں اچ 26 فلسطینی، 4 اسرائیلی اتے ہک لبنانی اے۔ انہاں دے علاوہ اٹھ میڈیا کارکن زخمی اتے نو لاپتہ یا زیرحراست ہن۔ صحافیاں دے تحفظ دی کمیٹی دے مشرق وسطیٰ تے شمالی افریقہ (مینا) دے پروگرام کوآرڈینیٹر شریف منصور آکھیا جو بحران اچ اہم خدمات ݙیوݨ آلے صحافیاں یا عام شہریاں کوں متحارب فریقین ولوں ہدف نی ٻݨاوݨا چاہیدا۔ اسرائیلی فورسز نیوز ایجنسیاں روئٹرز اتے اے ایف پی کوں ݙسیا جو او غزہ دی پٹی اچ خدمات ݙیوݨ آلے صحافیاں دے تحفظ دی ضمانت نی ݙے سڳدے جیڑھے جنگ دے شروع توں اسرائیلی بمباری اتے محاصرے دی زد اچ ہن۔