اسلام آباد۔07 نومبر(اے پی پی) پاکستان پیپلزپارٹی دے چیئرمین بلاول بھٹو زرداری لاہور پریس کلب دے رکن، صحافی تے ادیب ارشاد احمد امین دی فوتڳی تے افسوس کیتے۔ چیئرمین بلاول بھٹو زرداری اپݨی پرچاوݨی اچ آکھیے جو بھٹوازم توں ارشاد امین دی نظریاتی وابستگی قیادت اتے محبت قابل قدر اے، ارشاد امین دا سرائیکی وسیب دے ہک متحرک رضاکار دے طور تے کردار وی ہمیشہ یاد رکھیا ویسی۔ انہاں آکھیا جو ارشاد امین سرائیکی زبان دے ودھارے کیتے مثالی کم کیتا، انھاں دیاں ادبی تے ثقافتی خدمت بھلݨ آلیاں کائینی۔ چیئرمین بلاول بھٹو زرداری ارشاد امین کیتے فاتحہ ݙتے اتے سوگوا ٹٻر کوں پرچاوݨی ݙتی۔
