اسلام آباد۔07 نومبر(اے پی پی) اکادمی ادبیاتِ پاکستان دی صدر نشین پروفیسر ڈاکٹر نجیبہ عارف معروف لکھاری، صحافی و سرائیکی تحریک دے روح رواں ارشاد امین دی فوتڳی تے افسوس کریندے پرچاوݨی ݙتی اے۔ انہاں آکھیے جو ارشاد امین سرائیکی زبان و ادب اتے ثقافت کیتے وݙا کردار ادا کیتے۔ انہاں دی ادارت اچ شائع تھیوݨ آلے سرائیکی اخبار’’سڄاک‘‘ انہاں دا ناں اچا کیتے۔ انہاں لاہور اچ سرائیکی پبلی کیشن ٻݨائے۔ انہاں دیاں لکھتاں قومی اخبارات، رسائل و جرائد اچ چھپدیاں رہین۔ پروفیسر ڈاکٹر نجیبہ عارف مرحوم کیتے دعائے مغفرت اتے انہاں دے ٹٻر کیتے صبر دی دعا کیتی۔
