اقوام متحدہ۔8نومبر (اے پی پی):پاکستان اقوام متحدہ دے سیکرٹری جنرل انتونیو گوتریش توں جنرل اسمبلی دی غزہ اچ انسانی ہمدردی دی بنیاد تے جنگ بندی دی اڄوکی منظور کیتی ڳئی قرارداد تے وختی عمل درآمد دا مطالبہ کریندے ہوئیں بین الاقوامی عدالت انصاف (آئی سی جے) تے زور ݙتے جو او جھیڑے مکاوݨ کیتے آپݨا کردار نبھاوے۔ اقوام متحدہ اچ پاکستان دے مستقل مندوب منیر اکرم 193رکنی جنرل اسمبلی اچ بین الاقوامی عدالت انصاف (آئی سی جے) دے کم تے مباحثے اچ آکھیے جو آئی سی جے دا کردار اڄ ایں ویلھے توں پہلے زیادہ اہم اے جݙاں امن، استحکام اتے خوشحالی سانڳے خطرے ودھدے پئن ، جݙاں طاقت دے استعمال یا استعمال دا خطرہ مسلسل اتے ودھدا پئے ، قبضہ کئی ݙھاکیں تں جاری ہووے ، جݙاں ٻہوں سرے لوکاں کیتے حق خود ارادیت دا وعدہ پورا نی کیتا ڳیا ۔پاکستانی مندوب آکھیے تسلسل نال جاری فلسطینیاں دے مصائب انہاں ݙراوݨے چیلنجز کوں نشابر کریندے جیڑھے جو سلامتی کونسل دی طرفوں غزہ اچ جاری قتل عام کوں بند کرݨ دی اپیل کرݨ اچ وی ناکامی دی صورت اچ اسکوں درپیش ہن۔
