ملتان۔ 15 نومبر(اے پی پی) کمشنر ملتان ڈویژن عامرخٹک آکھیے حکومت پنجاب دی طرفوں قلعہ کہنہ قاسم باغ دی اپ گریڈیشن سانڳے 3ارب روپے دا منصوبہ منظور کرڳھدا ڳئے ۔انہاں ݙسائے جو قلعہ دی اپ گریڈیشن تے اتھاں موجود سرکاری دفتر،میٹرودے کمانڈ اینڈ کنٹرول سنٹردی عمارت اچ منتقل کرݙتے ویسن ۔انہاں 38ویں مڈکیریئرمنیجمنٹ کورس دے افسراں نال خطاب کریندے ہوئیں آکھیے جو میݙے دفتر اچ اوپن ڈورپالیسی نافذ اے۔ انہاں آکھیے انتظامیہ کوں مختلف چیلنجز داسامݨا اے جنہاں تے قابو پاتا ویندا پئے ۔ انہاں آکھیے جو ڈویژن دی ترقی اتے خوشحالی سانڳے مختلف شعبیں اچ سرمایہ کاری کیتی ویندی پئی اے ،حکومت پنجاب دافوکس اے جو صحت دے منصوبے وختی مکمل کیتے ونڄن ،ملتان اچ کارڈیالوجی سنٹر،کڈنی ہسپتال ،نشترہسپتال اتے برن سنٹر موجودہن ۔نشترٹو ،مدراینڈچائلڈ کیئر ہسپتال دی تکمیل نال عوام کوں مزید سہولتاں ملسن ۔ انہاں آکھیے ادیباں،فنکاراں ،شاعراں دی خدمات دے اعتراف سانڳے عملی اقدامات کیتے ویندے پئن ۔ ملتان ٹی ہاؤس اتےملتان آرٹس کونسل سانڳے فنڈز ݙے ݙتے ڳئن جئیں نال اتھاں کم کیتا ویسی۔
