بیجنگ۔15نومبر(اے پی پی) چین اچ پاکستان دے سفیر خلیل ہاشمی نیشنل ایگریکلچر سینٹر اچ تھیوݨ آلی نمائش چائنا آئوٹ بائونڈ ٹریول اینڈ ٹوورازم مارکیٹ (سی او ٹی ٹی ایم) اچ پاکستان پویلین دا افتتاح کرݙتا ، اے انہاں سرگرمیاں دا حصہ اے جیں دا مقصد 2023 کوں ݙوہیں ملکاں وچال سیاحت اتے تبادلے دے سال دے طور تے منیندے ۔ ایں موقع تے سفیر خلیل ہاشمی پاکستان دے سیاحتی شعبے دے ودھارے سانڳے نمائش کنندگان اتے سیاحتی کمپنیاں دیاں کوششاں دی تعریف کیتی ۔ انہاں آکھیے جو پاکستان ھک بھرپور ثقافتی ورثہ، متنوع مناظر اتے منفرد کھاݨے نال مہمان نوازی کرݨ آلا ملک اے ۔ انہاں چینی سیاحواں، ماہرین تعلیم اتے کاروباری لوکاں کوں پاکستان دا دورہ کرݨ تے زور ݙتا ۔
