اسلام آباد۔16نومبر(اے پی پی)نگراں وفاقی وزیر خزانہ، محصولات واقتصادی امور ڈاکٹر شمشاد اختر آکھیے جو بین الاقوامی مالیاتی فنڈ نال معاہدے دے بعد کامیاب اصلاحات پاروں اقتصادی سرگرمیاں بحال تھئین، کاروباری فضا بہتر تھئی اے اتے سرمایہ کاراں دا اعتماد ودھیے ڄݙاں جو پاکستان کوں بین الاقوامی شراکت داراں دی وی حمایت ملی اے، ملک اچ کلی معیشت دے استحکام اتے متوازن نمو سانڳے کوششاں جاری رکھسوں، مالی استحکام نال قرض ڳھٹاوݨ اتے ترقیاتی ترجیحات کوں ٹورݨ ساݙی ترجیح اے۔ اے ڳالھ انہاں اسلام آباد اچ صحافیاں نال الیندے آکھی۔ نگراں وفاقی وزیرخزانہ نے آکھیا جو بین الاقوامی مالیاتی فنڈ نال سٹاف سطح دا معاہدہ تھی ڳئے، آئی ایم ایف دا ایگزیکٹو بورڈ ایندی تیکھے منظوری ݙے ݙیسی، سٹاف سطح دے معاہدے دے بعد پاکستان کوں تقریباً 70 کروڑ امریکی ڈالرز ملسن اتے ایندے نال پاکستان کوں آئی ایم ایف پروگرام دے تحت ملݨ آلی امداد دا حجم تقریباً 1.9 ارب ڈالر تھی ویسی۔
