اقوام متحدہ ۔21نومبر(اے پی پی) پاکستان ھک واری ول اقوام متحدہ دی کمیٹی پروگرام اینڈ کوآرڈینیشن (سی پی سی) دا رکن منتخب تھی ڳئے ۔ ایں سلسلے اچ اقوام متحدہ دی جنرل اسمبلی اچ گزریل تھیوݨ آلے انتخابات دے دوران پاکستان کوں اقوام متحدہ دی کمیٹی پروگرام اینڈ کوآرڈینیشن (سی پی سی) کیتے ول منتخب کیتا ڳئے ۔ اقوام متحدہ دی اقتصادی اتے سماجی کونسل (ای سی او ایس او سی) دی سفارش تے تھیوݨ آلے ایں انتخاب بین الاقوامی برادری دی طرفوں اقوام متحدہ اچ پاکستان دے مثبت کردار دے اعتراف دی عکاسی اے۔پاکستان 1973 توں اقوام دی ایں 34 رکنی کمیٹی دا رکن اے تے ول انتخاب دے بعدپاکستان یکم جنوری 2024 توں 3 سال دی مدت کیتے کم کریسی ۔کمیٹی منصوبہ بندی، پروگرامنگ اتے رابطہ کاری کیتے ECOSOC اتے جنرل اسمبلی دے ھک اہم ذیلی ادارے دے طور تے کم کریندی اے ۔سی پی سی سٹریٹجک فریم ورک موجب اقوام متحدہ دے پروگراماں دا جائزہ گھنݨ دا کم کریندی اے۔
