لاہور۔22نومبر(اے پی پی)آئی سی سی کرکٹ ورلڈ کپ دے بعد ون ڈے پلیئرز دی رینکنگ جاری کرݙتی اے جیندے اچ بارتھی کھلاڑی شبمن گل 826 پوائنٹس نال پہلی، پاکستان دے سابق کپتان بابر اعظم دی 824 پوائنٹس نال ݙوڄھی پوزیشن اے ڄݙاں جو بھارتی بیٹر ویرات کوہلی دا تریڄھا نمبر اے۔ پاکستان دے فخر زمان 14ویں نمبر تے آڳن۔ بالراں اچ جنوبی افریقا دے کیشو مہاراج پہلے، آسٹریلیا دے جوش ہیزل ووڈ ݙوڄھے اتے بھارتی باؤلر محمد شامی تریڄھے نمبر تے ہین ڄݙاں جو پاکستان دے فاسٹ باؤلر شاہین آفریدی 9 ویں نمبر تے ہین۔
