اسلام آباد۔30نومبر (اے پی پی سرائیکی نیوز سروس) پاکستان پیپلز پارٹی دے 56 ویں یوم تاسیس دے مو قع تے ڈپٹی انفارمیشن سیکریٹری محمد سلیم بھٹ ہک تقریب منائی ۔ کیک کٹیجنڑ دے موقع تے ڳالھ مہاڑ کریندیں ہوئیں حافظ حسین احمد مدنی قریشی اُمیدوار قومی اسمبلی حلقہ 168 آکھیا جو پاکستان پیپلز پارٹی غریب عوام دے حقوق دی ترجمان اے۔ عوام آندے الیکشن اچ کہیں ٻھگوڑے اتے عوام دا خون چوسݨ آلیاں کوں ووٹ کائنا ݙیسن۔ بلاول بھٹو نینگر نسل دے حقیقی نمائندے ہن۔ چوہدری محمد سرور عباس ایں موقع تے میزبان محمد سلیم بھٹی آکھیا جو ملکی ترقی دے سارے وݙے منصوبے پی پی پی ݙتے اتے آئین پاکستان اوندا ساریاں توں وݙا تحفہ ہئی۔ ایڈووکیٹ ڈپٹی جنرل سیکریٹری جنوبی پنجاب، چوہدری محمد ذاہد ایڈووکیٹ ہائیکورٹ، ایم بی مسعود ہاشمی ایڈووکیٹ ہائیکورٹ اتے ٻئے مقررین آکھیا جو پاکستان پیپلز پارٹی جتھ ایں ملک کوں عمرانی معاہدے اچ بدھݨ کیتے 1973ء دا آئین ݙتا اتھ پاکستان دے دفاع کوں ناقابل تسخیر ٻݨاوݨ کیتے ایٹمی پروگرام اتے میزائل پروگرام ݙتا۔
