ملتان۔ یکم دسمبر(اے پی پی سرائیکی نیوز سروس ۔ ڈاکٹر سعدیہ کمال) شہید ذوالفقار بھٹو فاؤنڈیشن ولوں رکھی گئی تقریب تے گولڈن جوبلی آئین پاکستان 1973 دے سلسلےاچ “ذوالفقار علی بھٹو شہید قومی کانفرنس” رکھی ڳئی جیندے خصوصی مہمان علی موسی گیلانی سابق ایم این اے،علی حیدر گیلانی سابق صوبائی وزیر و سینئر نائب صدر پیپلز پارٹی پنجاب آصف خان ہن ۔ پاکستان پیپلز پارٹی اگواݨ علی موسی گیلانی دا آکھݨ ہا جو 1973اچ تشکیل ڈتے ڳئے آٓئین دا کریڈٹ شہید ذوالفقار علی بھٹو سابق وزیراعظم کوں ویندے تے آٓئین اچ انساناں دے بنیادی حقوق تے مستقبل دا تفصیل نال احاطہ کیتا ہویا اے تے خاص طور تے آرٹیکل 25 انساناں نال برابری دا سلوک کرݨ دا درس ڈیندے اتے ایں تے عمل کرتے پاکستان اچ جمہوری اداریاں کوں مضبوط کیتا ونڄ سڳدے ۔ایندے کیتے ساݙی عوام کوں چاہیدے جو پیپلزپارٹی کوں مینڈیٹ ݙیون ۔
