اسلام آباد۔2دسمبر (اے پی پی) نگراں وزیراعظم انوارالحق کاکڑ آکھیا جو موسمیاتی تبدیلیاں نال نبڑݨ کیتے 100 ارب ڈالر دے تعاون تے وعدیاں تے فوری عمل تھیوݨا چاہیدے، کوپ 28 کانفرنس نال عملی اقدامات دا راہ سوکھا تھیسی۔ اے ڳالھیں انہاں چھم چھݨ کوں دبئی اچ کوپ 28 کانفرنس اچ قومی بیان ݙیندیں ہوئیں آکھی۔ وزیراعظم آکھیا جو اے معاونت ڈویلپمنٹ فنانس تے پہلے توں قرضیاں دے ٻوڄھ تلوں رہݨ آلے ترقی پذیر ملکاں دے قرضیاں اچ ودھارے دے نرخ تے نی ہووݨا چاہیدا۔ وزیراعظم آکھیا جو موسمیاتی تبدیلیاں دے اثرات اچ ڳھٹکی کیتے ترقی یافتہ ملکاں کوں آپݨی اقتصادی حیثیت اتے تاریخی ذمہ واری نال قائدانہ کردار ادا کریندیں ہوئیں ایجھے اقدامات کیتے ترقی پذیر ملکاں دی مدد کرݨی چاہیدی اے۔ انہاں آکھیا جو موسمیاتی چیلنجز نال نبڑݨ کیتے ترقی پذیر ملکاں دی لوڑھ 100 ارب ڈالر دی یقین دہانیاں توں ودھ ہن۔ 2030 تئیں ترقی پذیر ملکاں دی لوڑھ کوں پورا کرݨ کیتے ڳھٹ توں ڳھٹ چھی ٹریلین ڈالر چاہیدے ہوسن۔ اساں آپݨٰی آندی نسلاں کیتے کرہ ارض کوں محفوظ کرݨے۔
