اسلام آباد۔3دسمبر (اے پی پی) چیئرمین سینیٹ محمدصادق سنجرانی سندھی کلچر ڈے دے موقع تے آپݨے سنیھے اچ آکھیا جو ثقافت کہیں وی ملک یا قوم کیتے ریڑھ دی ہݙی دی حیثیت رکھیندی اے۔ ثقافتی اقدار دی اہمیت کوں سمجھݨ اتے انہاں کوں احترام دی نگاہ نال ݙیکھݨ معاشریاں دی ترقی تے خوشحالی دا باعث اے۔ آݙت وار کوں سینیٹ سیکرٹریٹ توں جاری بیان موجب محمد صادق سنجرانی آکھیا جو ثقافت دا آپݨا رنگ اے اتے ایندے طور طریقیاں اچ محبت احترام، انکساری اتے رواداری دا درس ملدے۔ ایں موقع تے ڈپٹی چیئرمین سینیٹ مرزا محمد آفریدی وی سندھی کلچر ڈے تے سندھی ٻھیݨ ٻھراواں کوں مبارخ ݙتی۔
