اسلام آباد۔3دسمبر (اے پی پی) نگران وزیر اعظم انوار الحق کاکڑ گلگت بلتستان دے علاقے چلاس اچ مسافر بس تے فائرنگ دی شدید مذمت کریندیں ہوئیں آکھیا جو معصوم نہتے شہریاں کوں نشانہ ٻݨاوݨ دہشت گرداں دی بزدلی دا ثبوت اے۔ آݙت وار کوں وزیراعظم آفس دے میڈیا ونگ توں جاری بیان موجب وزیراعظم نہتے شہریاں دی شہادت تے ݙکھ تے افسوس کیتا اتے شہیداں اتے زخمی تھیوݨ آلیاں دے ٹبراں کیتے صبر دی دعا کیتی۔
