منیلا ۔6دسمبر(اے پی پی) ایشیائی ترقیاتی بینک ( اے ڈی بی ) پاکستان کیتے 65کروڑ 88 لکھ ڈالر دے قرض دی منظوری ݙے ݙتی۔ٻدھ کوں اے ڈی بی دی طرفوں جاری اعلامیے موجب پاکستان کیتے 65 کروڑ 88 لکھ ڈالر قرض دی منظوری ݙتی ڳئی تے اے رقم ترائے مختلف منصوبیں تے خرچ کیتی ویسی ۔بینک دا آکھݨ اے جو فنڈ زدی فراہمی دا مقصد پائیدار معاشی ترقی دے ہدف دا حصول اے ،اے مقامی وسائل ودھاوݨ تے سیلاب توں تباہ حال سکولاں دی بحالی تے خرچ تھیسن ،انہاں فنڈز توں غذائی تحفظ کیتے زرعی پیداوار اچ ودھارا تے پاکستان کوں اڄوکی تباہ کن چھل توں بحران اچوں نکلݨ اچ مدد ملسی ۔
