اقوام متحدہ ۔11دسمبر (اے پی پی) غزہ اچ شہری آبادی دی سنگین صورتحال تے اقوام متحدہ دی جنرل اسمبلی دا خصوصی اجلاس منگل کوں تھیسی۔ اقوام متحدہ دی جنرل اسمبلی دے صدر ڈینس فرانسس ہک بیان اچ آکھیا جو اسمبلی منگل کوںیو یارک ویلھے دے مطابق ݙوپہریں کوں ترائے وڄے خصوصی اجلاس کریسی۔ رکن ملکاں کوں لکھیے ڳئے خط اچ ڈینس فرانس آکھیا جو انہاں اے اجلاس مصر،موریطانیہ ، عرب گروپ دے سربراہان اتے اسلامی تعاون تنظیم دی درخواست تے سݙیے۔ انہاں آکھیا جو اجلاس دی درخواست دے خط اچ مصر اتے موریطانیہ غزہ دی پٹی اچ فلسطینی شہری آبادی دی سنگین صورتحال دا حوالہ ݙتے۔
