سرینگر ۔11دسمبر (اے پی پی) کشمیریاں مقبوضہ جموں تے کشمیر دی خصوصی حیثیت دی منسوخی دے نریندر مودی حکومت دے غیر قانونی اقدام کوں درست قرار ݙیوݨ دے بھارتی سپریم کورٹ دے فیصلے کوں متفقہ طور مسترد کریندیں ہوئیں حق خودارادیت کیتے آپݨی جدوجہد جاری رکھݨ دا عزم کیتے۔کشمیرمیڈیاسروس موجب کل جماعتی حریت کانفرنس دے ترجمان سرینگر اچ جاری ہک بیان اچ فیصلے تے ردعمل ݙیندیں ہوئیں آکھیاجو بھارتی حکومت یا اوندی عدلیہ کوں بین الاقوامی سطح تے منیے ہوئے علاقے جموں تے کشمیر دی قانونی حیثیت دا فیصلہ کرݨ دا کوئی حق کائنی۔ ترجمان آکھیا جو کشمیری دفعہ370یا 35Aکیتے نی لڑدے پئے بلکہ اوجموں تے کشمیر دی بھارت دے غیر قانونی قبضے توں پوری آزادی دی جنگ لڑدے پئن۔ کل جماعتی حریت کانفرنس دی آزادکشمیر شاخ دے رہنما الطاف حسین وانی آکھیا جو کشمیریاں کوں بھارتی عدلیہ تے کوئی اعتماد کائنی۔ بھارتی حکومت یا اوندی پارلیمنٹ کنے 370 کوں منسوخ کرݨ دا کوئی اختیار کائینی۔
