پرتھ۔12دسمبر (اے پی پی) آسٹریلیا اتے پاکستان دی ٹیماں وچال ترائے ٹیسٹ میچاں دی سیریز دا پہلا ٹیسٹ میچ 14 دسمبر توں 18 دسمبر تئیں پرتھ سٹیڈیم پرتھ اچ کھیݙیا ویسی۔ پاکستان کرکٹ ٹیم آسٹریلیا دے دورے تے اے جتھ او میزبان ٹیم نال چار ݙینھ دے وارم اپ میچ توں علاوہ ترائے ٹیسٹ میچاں دی سیریز کھیݙسی۔ آسٹریلیا دے خلاف ٹیسٹ سیریز اچ پاکستان ٹیم دی قیادت مایہ ناز بلے باز شان مسعود کریسن۔ ݙوہیں ٹیماں وچال ݙوجھا ٹیسٹ میچ 26 توں 30 دسمبر تئیں ایم سی جی ،میلبورن اچ کھیݙیا ویسی جڈانجو تریجھا تے چھیکڑی ٹیسٹ میچ ترائے توں ست جنوری 2024 تئیں سڈنی کرکٹ گرائونڈ، سڈنی اچ کھیڈیا ویسی۔
