اقوام متحدہ۔14دسمبر (اے پی پی) اقوام متحدہ دی سلامتی کونسل دی ڈیرہ اسماعیل خان اچ دہشت گرد حملے دی مذمت کریندیں ہوئیں ساری ریاستاں تے زور ݙتا جو او حملے اچ ملوث دہشت گرداں کوں کٹہرے اچ ڳھن آوݨ اچ پاکستان نال تعاون کرن۔ اقوام متحدہ دی 15رکنی سلامتی کونسل دے صدر جوز ڈی لا گاسکا ولوں جاری پریس ریلیز موجب سلامتی کونسل دے اراکین متاثرین دے ٹبراں اتےحکومت پاکستان نال ہمدردی اتے تعزیت کیتی اتے زخمیاں دی جلدی اتے مکمل صحت یابی کیتے نیک خواہشات دا اظہار کیتا۔ سلامتی کونسل دے اراکین زور ݙتا جو دہشت گردی دی انہاں قابل مذمت کاروائیاں کرݨ آلے، منتظمین، مالی تعاون کرݨ آلے اتے سررپستی کرݨ آلیاں کوں جوابدہ کرݨ اتے انہاں کوں انصاف دے کٹہرے اچ ڳھن آوݨ اتے ایں بارے پاکستان دی حکومت دے نال نال سارے متعلقہ حکام نال تعاون کرݨ دی لوڑھ اے۔
