اقوام متحدہ۔14دسمبر(اے پی پی):پاکستان اقوام متحدہ دی سلامتی کونسل اچ اصلاحات متعلق موجودہ بین الحکومتی مذاکرات (آئی جی این) کوں “بہترین پلیٹ فارم” قرار ݙیندے ہوئیں آکھیے جو ایں سلسلے اچ کہیں وی جلد بازی یا مختلف مرحلے اچ اقدامات 15 رکنی سلامتی کونسل کوں وسعت ݙیوݨ دے عمل اچ کہیں متفقہ نتیجے تئیں پڄݨ دیاں کوششاں اچ خلل پیسوں ۔اقوام متحدہ اچ پاکستان دے نائب مستقل مندوب عثمان اقبال جدون سلامتی کونسل دی تنظیم نو سانڳے وݙے عرصے توں جاری مذاکرات ول شروع تھیوݨ تے مندوبین نال خطاب اچ آکھیے جو سلامتی کونسل اچ توسیع دے کہیں وی نویں عمل کوں نوی سروں شروع کرݨا ہوسی تے انہاں چیلنج دا سامݨا کرݨا ہوسی جنہاں دا سامݨا ایں مقصد کیتے بین الحکومتی مذاکرات اچ ایندے توں پہلے کیتا ویندا رہیے ۔ پاکستان دی طرفوں ایں موقف دا اعادہ توسیع شدہ سلامتی کونسل دی مستقل رکنیت سانڳے بھارت، برازیل، جرمنی اتے جاپان تے مشتمل گروپ آف فور دے نویں دٻاؤ دے پس منظر اچ کیتا ڳئے۔
