دبئی۔ 15 دسمبر (اے پی پی)قومی ٹیم دا انڈر 19 کرکٹ ایشیا کپ جیتݨ دا خؤاب مٹی تھی ڳئے اتے سیمی فائنل اچ ہرݨ توں بعد پاکستان دی انڈر نائنٹین ٹیم ٻاھرو تھی ڳئی۔ سیمی فائنل اچ یو اے آئی پاکستان کوں 11 رنز توں ہرا ݙتے۔ دبئی اچ آئی سی سی اکیڈمی گراؤنڈ تے انڈر 19 ایشیا کرکٹ کپ دے سیمی فائنل اچ پاکستان ٹاس جیت تے پہلے فیلڈنگ دا فیصلہ کیتے۔ یو اے ای پہلے بیٹنگ کریندے 50 اووراں اچ 193 رنز ٻݨائن ٻھل ولدے اچ اے سوکھا ہدف پاکستان کیتے پورا کرݨ اوکھا تھی ڳئے اتے قومی انڈر نائنٹین ٹیم چھیکڑی اوور اچ 182 رنز تے ہی پڄ سڳی اتے آئوٹ تھی ڳئی۔ انڈر 19 ایشیا کرکٹ کپ دا فائنل مقابلہ ہݨ یو اے ای اتے بنگلہ دیش دیاں ٹیماں وچال کھیڈیا ویسی۔
