اسلام آباد۔19دسمبر (اے پی پی،ڈاکٹر سعدیہ کمال) تھل توں تعلق رکھݨ آلے سرائیکی شاعر عبدالقدوس ساجد دی شاعری دا مجموعہ “خیر کلامی ” ہک نوکیلے عنوان نال غزل ،نظم ، ڈوہڑا اتے “مربع” دی ہیئت وچ چار سطری نظماں تے مشتمل اے ۔سرائیکی نیوز سروس نال خصوصی ڳالھ مہاڑ کریندیں ہوئیں ڈاکٹر مزمل حسین آکھیا جو سرائیکی محفلاں ،جھوکاں ، آپنڑے صوفیاء دیاں درگاہیں اتے آپݨے آسوں پاسوں دیاں یکیاں ثقافتی ،سرگرمیاں اچ انہاں دی شمولیت نال انہاں آپݨی ماء بولی کوں زندہ تے باشعور فنکار دی حیثیت نال آپݨے اظہار دا وسیلہ ٻݨائے۔ایہو “خیر کلامی ” دا بنیادی حوالہ تے تعارف اے ۔
