فلسطینی آپݨی سرزمین توں بے دخل تھیوݨ کوں قبول کائنا کریسن، صدر محمود عباس

رام اللہ ۔1جنوری  (اے پی پی) فلسطینی صدرمحمود عباس اسرائیلی جنگ کوں فوری روکݨ اتے غزہ اچ امداد دی موکل ݙیوݨ دی لوڑھ تے زور ݙیندیں ہوئیں آکھیاجو فوجی حل خطے کوں تباہی آلے پاسے ڳھن ویسی۔ العربیہ نیوز موجب انہاں آکھیا جو فلسطینی عوام اڄ غزہ دی پٹی، مغربی کنارے اتے مقبوضہ بیت المقدس اچ جنگ توں تباہی دا شکار ہن، جئیں دا مقصد اساݙے قومی ںصب العین کوں ختم کرݨ اتے اینکوں ہک انسانی مسئلے اچ بدلݨ اے۔ اڄ ہک واری ولا 1948 دے ’’نکبہ‘‘ کوں دہراوݨ دی کوشش کیتی ویندی پئی اے۔ انہاں آکھیا جو فلسطینی آپݨی سرزمین توں بے دخل تھیوݨ کوں قبول کائنا کریسن۔