ڈیرہ غازی خان۔ 04 جنوری (اے پی پی) شمالی وزیرستان دے علاقہ مسکی میر علی اچ نامعلوم دہشت گرداں ولوں فائرنگ اچ جاں بحق تھیوݨ آلے مزدوراں کوں رات آپݨے علاقے ڈیرہ غازی خان اچ دفنا ݙتا ڳئے۔ کمشنر ڈیرہ غازی خان ڈاکٹر ناصر محمود بشیر،ار پی او کیپٹن ریٹائرڈ سجاد حسن خان،ڈپٹی کمشنر مہر شاہد زمان لک ،ڈی پی او احمد محی الدین اتے ٻئے افسراں دے علاوہ سیاسی شخصیات،وکلا سودھے علاقے دے لوکاں دی وݙی تعداد شریک تھئی۔ تفصیل موجب کمشنر ڈی جی خان ڈویژن ،آر پی او ،ڈپٹی کمشنر ،ڈی پی او اتے ٻئے افسراں شمالی وزیرستان اچ جاں بحق تھیوݨ آلے مزدوراں دی انہاں دے علاقے چھابری زیریں اچ نماز جنازہ اچ شرکت کیتی۔
