اقوام متحدہ۔4جنوری (اے پی پی) اقوام متحدہ آکھیا جو امدادی اداریاں کوں شمالی غزہ دے مکیناں کوں امداد ݙیوݨ توں روک ݙتا ڳئے۔الجزیرہ موجب اقوام متحدہ دے انسانی ہمدردی دے ادارے (اوسی ایچ اے) آکھیا جو اقوام متحدہ دے ذیلی ادارے اتے انسانی ہمدردی دے تحت کم کرݨ آلے ٻئے ادارے ترائے ݙینھ توں غزہ دے شمالی حصے اچ امداد پڄاوݨ اچ ناکام رہین۔ اوسی ایچ اے آکھیا جو رسائی اچ دیر اتے نقل و حرکت دی موکل توں انکار دے نال نال جاری جنگ پاروں شمالی غزہ اچ امداد نی پڄائی ونڄ سڳی۔ اقوام متحدہ دے ادارے موجب غزہ دے شمال اچ ٻہوں ڳھٹ لوکاں تئیں انسانی امداد پڄدی پئی اے۔ محدود امدادی ٹرک صرف جنوبی سرحد توں محصور علاقے اچ امدے پئن۔
