اسلام آباد۔11جنوری(اے پی پی) اقوام متحدہ آکھیے مسلسل ترائے مہینے توں جاری اسرائیلی حملیں پاروں غزہ رہݨ دے لائق نی رہیا ، 19 لکھ لوک بے گھر کرݙتے ڳئن۔ یواین نیوز موجب مشرقِ قریب دے فلسطینی مہاجرین دی امداد و سکونت سانڳے اقوام متحدہ دی ایجنسی یو این آر ڈبلیو اے دے ترجمان عدنان ابو حسنہ انٹرویو اچ آکھیے جو اسرائیل دی مسلسل 3 مہینے توں جاری بمباری نال غزّہ ناقابل رہائش جاہ اچ بدل ڳئے ایندے وکھو وکھ علاقیں اچ 1.9 ملین انساناں کوں بے گھر کرݙتا ڳئے جنھاں اچوں تقریباً 1.4 ملین (14 لکھ) ادارے دے 155 سکولاں تے پناہ گاہواںاچ رہندے پئن ۔ ابو حسنہ آکھیے ادارے دے مراکز بے گھر آبادی دی لوڑھ پوری کرݨ دی صلاحیت نی رکھیندے تے ایں ویلھے صورتحال ناقابل برداشت حد تئیں پڄ چکی اے ۔
