لاہور۔11جنوری (اے پی پی) نگران وفاقی وزیر تعلیم تے پیشہ وارانہ تربیت مدد علی سندھی آکھیا جو پاکستان دی ترقی دا ہکو راہ تعلیم اے، اساکوں آپݨٰی توجہ تعلیمی شعبے تے ݙیوݨ دی لوڑھ اے۔ اے ڳالھیں انہاں مزمان خصوصی دے طور خمیس کوں ایوان اقبال اچ لاہور لیڈز یونیورسٹی دے ستویں کانووکیشن توں خطاب کریندیں ہوئیں آکھی۔ ایں موقع تے وائس چانسلر لاہور لیڈز یونیورسٹی ندیم بھٹی،چیئرمین بورڈ آف …
پاکستان دی ترقی دا ہکو راہ تعلیم اے، اساکوں آپݨٰی توجہ تعلیمی شعبے تے ݙیوݨ دی لوڑھ اے، نگران وفاقی وزیر مدد علی سندھی
لاہور۔11جنوری (اے پی پی) نگران وفاقی وزیر تعلیم تے پیشہ وارانہ تربیت مدد علی سندھی آکھیا جو پاکستان دی ترقی دا ہکو راہ تعلیم اے، اساکوں آپݨٰی توجہ تعلیمی شعبے تے ݙیوݨ دی لوڑھ اے۔ اے ڳالھیں انہاں مزمان خصوصی دے طور خمیس کوں ایوان اقبال اچ لاہور لیڈز یونیورسٹی دے ستویں کانووکیشن توں خطاب کریندیں ہوئیں آکھی۔ ایں موقع تے وائس چانسلر لاہور لیڈز یونیورسٹی ندیم بھٹی،چیئرمین بورڈ آف گورنرز میاں ظہور وٹو سودھے فیکلٹی ممبران اتے طلبا وطالبات دی وݙی تعداد موجود ہئی۔ کانووکیشن اچ1080 طلبا وطالبات کوں ڈگریاں ݙتی ڳئن۔ کانووکیشن توں خطاب کریندیں ہوئیں وفاقی وزیر آکھیا جو میکوں اتھ آتے ٻہوں خوشی تھئی اے۔ انہاں آکھیا جو پاکستان اچ سرکاری، نجی اتے مدارس ترائے طرز دی تعلیم ݙتی ویندی پئی اے، جیڑھا جو ملک اچ ترائے مختلف طبقے پیدا کریندی پئن۔ انہاں آکھیا جو حکومت دی پہلی ترجیح تعلیم دے معیار کوں بہتر کرݨ اتے سکول توں ٻاہر ٻالاں کوں واپسی ڳھن آوݨ اے۔ چھیکڑ اچ مزمان خصوصی طلباء تے طالبات اچ میڈلز اتے ڈگریاں تقسیم کیتی۔
