اسلام آباد۔11جنوری (اے پی پی) نگران وفاقی وزیر انفارمیشن ٹیکنالوجی ڈاکٹر عمر سیف آکھیا جو آندے پنج سالیں اچ آئی ٹٰی ماہرین دی شمولیت نال پنج ارب ڈالر دی برآمدات تھیسن۔ معیشت دی ترقی اچ آئی ٹی دا شعبہ اہم اہمیت رکھیندے۔ آن لائن ورک فورس اچ پاکستان دا دنیا اچ ݙوجھا نمبر اے۔ ای روزگار مراکز ٻݨائے ویندے پئن۔ او خمیس کوں کنونشن سنٹر اچ ٹیک ڈسٹینیشن پاکستان دی …
آندے پنج سالیں اچ آئی ٹٰی ماہرین دی شمولیت نال پنج ارب ڈالر دی برآمدات تھیسن، ڈاکٹر عمر سیف
اسلام آباد۔11جنوری (اے پی پی) نگران وفاقی وزیر انفارمیشن ٹیکنالوجی ڈاکٹر عمر سیف آکھیا جو آندے پنج سالیں اچ آئی ٹٰی ماہرین دی شمولیت نال پنج ارب ڈالر دی برآمدات تھیسن۔ معیشت دی ترقی اچ آئی ٹی دا شعبہ اہم اہمیت رکھیندے۔ آن لائن ورک فورس اچ پاکستان دا دنیا اچ ݙوجھا نمبر اے۔ ای روزگار مراکز ٻݨائے ویندے پئن۔ او خمیس کوں کنونشن سنٹر اچ ٹیک ڈسٹینیشن پاکستان دی تقریب توں خطاب کریندیں ہوئیں آکھی۔ تقریب دے مزمان خصوصی نگران وزیراعظم انوار الحق کاکڑ ہن۔ تقریب نال سیکرٹری انفارمیشن ٹیکنالوجی حسن ناصر جامی وی خطاب کیتا۔ نگران وفاقی وزیر آئی ٹی آکھیا جو اساں آئی ٹی سیکٹر کوں ترجیحی بنیاداں تے استوار کیتے، وزارت انفارمیشن ٹیکنالوجی پاکستان دی عوام کیتے آئی ٹی سروسز انڈسٹری، ٹیلی کام سیکٹر، ہینڈز سیٹ مینوفیکچرنگ، پاکستانی سٹارٹ اپس اتے فری لانسرز دے شعبیاں دی ترقی کیتے توجہ ݙتی ہوئی اے۔ پاکستان دی آئی ٹی برآمدات دا حجم 2.6 ارب ڈالر اے جڈانجو ایندے مقابلے اچ بھارت دی 164 ارب ڈالر دی برآمدات ہن۔ انہاں آکھیا جو پاکستان اچ ہر سال 75 ہزار آئی ٹی گریجویٹس فارغ التحصیل تھیندے پئن، نیوٹیک دے ذریعے سولہاں ہزار آئی ٹی گریجویٹس کوں جدید کورسز کرائے ویندے پئن۔ اعلیٰ تعلیمی کمیشن نال رل تے آئی ٹی دے شعبہ اچ سکل ڈویلپمنٹ پروگرام شروع کیتے۔
