آکلینڈ۔11جنوری(اے پی پی):قومی ٹی 20 ٹیم دے کپتان شاہین شاہ آفریدی آکھیے جو ہاکستان ٹیم دی کپتانی کرݨ میݙے کیتے وݙے ماݨ دی ڳالھ اے۔ آکلینڈ اچ پاک نیوزی لینڈ ٹی ٹوئنٹی سیریز بارے پریس کانفرنس کریندے انہاں آکھیا جو قومی ٹیم ہݨ تئیں ٹی ٹوئنٹی فارمیٹ اچ ٻہوں چنڳاں کھیݙدی آندی اے، ورلڈ کپ توں پہلے 17 میچز ہین جیندے اچ غلطیاں تے قابو پاوݨ دی کوشش کریسوں۔ انہاں آکھیا جو صاحبزادہ فرحان، عامر جمال اتے اعظم خان دی ٹیم اچ واپسی تھئی اے، بابر اتے رضوان بہترین اوپننگ جوڑی اے، ورلڈ کپ توں پہلے کمبی نیشن ٻݨاوݨ کیتے بیٹنگ آرڈر تے تجربہ کریسوں۔ انہاں آکھیا ڄݙاں ٹیم کامیاب تھیندی اے تاں تاں سارے نال ہوندن ٻھل ہار اچ وی سپورٹ کرݨا چاہیدے۔ شاہین شاہ آفریدی آکھیے کوشش کرینداں جو آپݨے آپ کوں ٻیا فٹ کراں۔
