ریاض ۔12جنوری (اے پی پی) سعودی عرب دی یمن اچ فضائی حملیاں تے تشویش کیتی اے۔ اے ایف پی موجب سعودی وزارت خارجہ ہک بیان اچ آکھے جو سعودی عرب کوں آپݨے ہمسائے ملک یمن تے امریکی اتے برطانوی فضائی حملیاں تے تشویش اے۔ سعودی وزارت خارجہ ولوں جاری تھیوݨ آلے بیان موجب سعودی عرب بحیرہ احمر دے علاقے اچ تھیوݨ آلی فوجی کاروائیاں اتے جمہوریہ یمن دے کئی جہیں تے فضائی حملیاں دا سخت تشویش نال جائزہ ڳھدا پئے۔ بیان اچ ضبط دا مظاہرہ کرݨ اتے کشیدگی توں گریز دا مطالبہ کیتا ڳئے۔ سعودی وزارت خارجہ آپݨے بیان اچ بحیرہ احمر دے علاقے دی سلامتی اتے استحکام کوں برقرار رکھݨ دی اہمیت تے زور ݙتے۔
