برسلز۔14جنوری (اے پی پی):اقوام متحدہ غزہ اچ جنگ دے 100 ݙینھ مکمل تھیوݨ تے جاری بیان اچ آکھیے جو جنگ ’انسانیت کوں داغدار‘ کریندی پئی اے ۔فرانسیسی خبر رساں ایجنسی اے ایف پی موجب غزہ دی پٹی دا دورہ کریندے ہوئیں فلسطینی پناہ گزیناں سانڳے اقوام متحدہ دے ادارے دے سربراہ فلپ لازارینی آکھیے گزریل 100 ݙینھ دی وݙے پیمانے تے اموات، تباہی، بے گھر، ضیان تے بھک ساݙی مشترکہ انسانیت کوں داغدار کریندی پئی اے ۔انہاں خبردار کیتے جو غزہ اچ ٻالاں دی ھک پوری نسل صدمے دا شکار تھیندی پئی اے ، بیماریاں کھنڈیاں پئن تے ویلھے تکھے قحط آلے پاسے ودھدا پئے ۔ تازہ ترین اعداد و شمار موجب گھٹ توں گھٹ 23 ہزار 843 لوک ہلاک تھی چکئن جنھاں اچ زیادہ تر تریمتاں تے ٻال شامل ہن۔اسرائیلی محاصرے دی وجہ توں غزہ اچ خوراک، پانی، دوائیں تے ایندھن دی شدید قلت اے اتے صحت دانظام تباہ تھیندا پئے۔
