اسلام آباد۔16جنوری(اے پی پی)قومی کرکٹ ٹیم نیوزی لاینڈ نال 5 ٹی ٹوئنٹی میچاں دی سیرزی کھیݙݨ کیتے نیوزی لینڈ اچ موجود اے جتھاں تریڄھا ٹی ٹوئنٹی میچ ٻدھ کوں کھیݙیا ویسی۔ تریڄھے میچ کیتے پاکستان پلیئنگ الیون دا اعلان کرݙتے جیندے اچ 3 تبدیلیاں کیتاں ڳن۔ 17 جنوری کوں ڈونیڈن اچ تھیوݨ آلے میچ اچ پاکستان لیگ سپنر اسامہ میر، آل رائونڈر عامر جمال اتے عباس آفریدی دی ڄھاہ تے فاسٹ بالر محمد وسیم جونیئر، لیفٹ آرم سپنر محمد نواز اتے فاسٹ بالر زمان خان کوں کھیݙاوݨ دا فیصلہ کیتے۔ قومی ٹیم پہلے ݙوہیں ٹی ٹوئنٹی میچ ہر چکی اے۔
