لاہور۔25 مئی(اے پی پی )گورنرپنجاب ملک محمد رفیق رجوانہ آکھیا جو تعلیم دے بغیر ترقی دا خواب کڈاہیں پورا نی تھی سگدا،اعلیٰ تعلیم دے ودھارے سانگے ودھ توں ودھ وسائل اتے فنڈز ڈیونڑ اجوکی حکومت دی پہلی ترجیح اے۔گورنر ہائوس اچ ہائیر ایجوکیشن کمیشن دی تقریب نال خطاب کریندیں ہوئیں انہاں آکھیا جو اجوکی حکومت مرکز اتے صوبے اچ ایجوکیشن دے فنڈز اچ قابل ذکر حد تئیں ودھارا کیتے۔انہاں آکھیا جو اعلیٰ تعلیم اداریاں دی چنگائی،سہولتاں دی فراہمی اتے خصوصی طور انہاں دی سکیورٹی کوں یقینی بنڑاونڑ اچ خصوصی توجہ ڈتی ویندی پئی اے۔انہاں آکھیا جو ساکوں اعلیٰ تعلیمی اداریاں اچ میرٹ کوں یقینی بنڑاونڑاں پمسی تانجو کہیں دی حق تلفی نہ تھی سگدے۔گورنر آکھیا جو او سرمایہ باعث فخر اے اتے افتخار دی گالھ اے ۔
