سرینگر۔20جنوری (اے پی پی) غیر قانونی طور بھارت دے قبضہ اچ جموں تے کشمیر اچ دہلی دے زیر کنٹرول ریاستی تحقیقاتی ایجنسی(ایس آئی اے) ہک کشمیری پنڈت سنجے شرما دے قتل دے الزام تے 12بے گناہ کشمیریاں دے خلاف پلوامہ دی ہک خصوصی عدالت اچ چارج شیٹ داخل کر ݙتی اے۔ کشمیرمیڈیاسروس موجب سنجے شرما کوں گزریل سال 26 فروری کوں پلوامہ دے علاقے اچھن اچ نامعلوم بندیاں گولی مار تے قتل کر ݙتا ہئی۔ جیڑھے لوکاں دے خلاف چارج شیٹ داخل کیتی ڳئی اے انہاں اچ جازم فاروق وانی، ظفر حسین بٹ، ناصر فاروق شاہ، عامر حسین وانی، شمیم احمد بٹ، توصیف احمد پنڈت، سجاد احمد بٹ،شرجیل احمد بٹ، دانش احمد ٹھوکر، عبید احمد پڈر اتے ساحل بشیر ڈار شامل ہن۔انہاں اچوں ترائے جازم فاروق وانی، دانش احمد ٹھوکر اتے عبید احمد پڈر کوں بھارتی فوجیاں محاصرے اتے تلاشی دی کاروائیاں اچ شہید کر ݙتے۔
