لاہور۔24جنوری(اے پی پی۔ سرائیکی نیوز سروس، ڈاکٹر سعدیہ کمال)سرائیکی ادبی اکیڈمی اسلام آباد ولوں نیشنل پریس کلب اسلام آباد اچ نامور صحافی،دانشور، محقق تے سرائیکی سوجھوان ارشاد امین دی یاد اچ تعزیتی ریفرنس رکھا گیا ایں موقع تے مرحوم سانگے مغفرت دی دعا کیتی ڳئی، تعزیتی ریفرنس اچ نذیر لغاری، مظہرعارف، نتاشا ارشاد امین، رانا کوثر، نواز طاہر، اعجاز احمد، عبدالرزاق چشتی، نذیر تبسم، حافظ طاہر، ظفرمحمود شیخ، سبطین رضالودھی، شعیب بھٹہ ، واسو خان، میزبان ڈاکٹر سعدیہ کمال، شاہد دھریجہ اور دیگر صحافیوں، دانشوروں، ادیباں تے سیاسی رہنماواں عظیم صحافتی، ادبی اتے سیاسی خدمات تے ارشاد امین کوں خراج عقیدت پیش کیتا. مقررین آکھیا جو مرحوم حیاتی اچ صحافتی، ادبی تے سیاسی میدان اچ سرائیکی وسیب دی پسماندگی، ناانصافیاں دے خاتمے کیتے جدوجہد کیتی، وسیب کیتے انھاں دیاں خدمات کوں ہمیش یاد رکھیا ویسی ۔ مقررین آکھے جو ارشاد امین سارے حلقیاں اچ یکساں مقبول اے، مرحوم مظلوم طبقے دی توانا آواز اے، حیاتی جمہوریت دے ودھنڑ تے سرائیکی صوبہ دے قیام کیتے ریہے انھاں دی وفات نال سرائیکی وسیب اچ تھیونڑ آلی وتھی کڈاہیں وی نی بھریج سگدا ۔ اخیر اچ مقررین سرائیکی ادبی اکیڈمی اسلام آباد دی وسیب سانگے خدمات دی تعریف کیتی ۔
