اقوام متحدہ۔25جنوری (اے پی پی) پاکستان مسمار شدہ بابری مسجد دی ڄاہ تے ’’رام مندر‘‘ دےافتتاح دی مذمت کریندیں ہوئیں اقوام متحدہ دے الائنس آف سویلائزیشنز (یو این اے او سی) دے اعلیٰ عہدیدار تے زور ݙتے جو او بھارت اچ اسلامی تنصیبات تے جہیں دے تحفظ کیتے آپݨا کردار نبھاون۔ اے ڳالھ اقوام متحدہ اچ پاکستان دے مستقل مندوب منیر اکرم گزریل ݙینھ نیویارک اچ اقوام متحدہ دے ہیڈکوارٹر اچ اسلامی تعاون تنظیم ( او آئی سی) دے سفیراں دے اجلاس اچ آکھی۔ پاکستان مشن ولوں جاری پریس ریلیز موجب پاکستانی مندوب منیر اکرم او آئی سی دے ساتھیاں نال ہک خط شیئر کیتا جئیں اچ انہاں یو این اے او سی دے اعلیٰ نمائندے میگوئل اینجل موراٹینوس کوں مخاطب کریندیں ہوئیں آکھیا جو ایودھیا اچ تھیوݨ آلے واقعے بھارت ہندومذہبی اکثریت دے ݙوجھیاں نال امتیازی سلوک اچ پریشان کن ودھارے دی نشاندہی کیتی اے۔ اجلاس اچ ایں معاملے کوں او آئی سی دے آندے سفیراں دے اجلاس دے ایجنڈے اچ شامل کرݨ دا فیصلہ کیتا ڳئے۔
