اسلام آباد۔2فروری(اے پی پی سرائیکی نیوز سروس: ڈاکٹر سعدیہ کمال ) سرائیکی دے استاد پروفیسر ڈاکٹر میر جاوید حسان چانڈیو چیئرمین شعبہ سرائیکی و ڈین فیکلٹی آف آرٹس اینڈ لینگؤیجزاسلامیہ یونیورسٹی آف بہاول پور آپدے عہدے توں ریٹائر تھی ڳئن ۔انھاں سرائیکی شعبہ دی بہترین انداز اچ 35 سال اچ خدمت کیتی۔ سروس دوران فرید چیئر فعال کرائی اتے بطور ڈائریکٹر اضافی کم کیتا ۔ ۔سرائیکی زبان تے ادب دے فروغ سانڳے عملی مثالی اقدامات کریندے ہوئیں سرائیکی مضمون کیتے کالجاں اچ سرائیکی استاد دی منظوری تے سرائیکی بی ایس، ایم فل ،پی ایچ ڈی پروگرام شروع کرائے ۔بورڈ میٹرک،انٹر کلاسز دی نصاب سازی دے کنوینئر وی رہیے۔بغداد الجدید کمپس آڈیٹوریم داناں خواجہ غلام فرید آڈیٹوریم رکھوایا۔ سرائیکی شعراء کرام دے بنیادی مالی حقوق دی بحالی اچ اہم کردار ادا کیتا۔جنھاں اچ شاکر شجاع آبادی وی شامل ہن۔سرائیکی وسیب دی علمی ادبی نمائندگی سانڳے بطور ممبراکادمی بورڈ آف گورنر اسلام آباد بہترین کم کیتا۔ تحقیق، تنقید، صحافت، لسانیات، ادب، سماجیات، فریدیات، تصوف،تاریخ،ثقافت،فنون لطیفہ، جغرافیہ،مترجم، موسیقی،آرکیالوجی اچ مہارت دے نال ایڈمنسٹریٹر امور اچ آپݨا لوہا منوایا۔کئی کتابیں دے مصنف ہن۔ریسرچ جرنل سویل،دیوان فرید،سرائیکی زبان،ادب اتے معاشرہ انہاں دی شہکار کتاباں سمجھیاں ویندن ۔اپݨے والد بزرگوار میر حسان الحیدری چانڈیو دی وانڳوں ہمیشہ اپݨی دھرتی دےلوکاں نال ترٹ تے پیا کیتا ۔ انہاں آپݨے فلسفہ اچ اپݨے سینکڑاں شاگرداں کوں ہمیشہ احترام آدمیت سکھایا۔زباناں نال محبت اتے امن دا درس ݙتا۔انہاں دی ریٹائرمنٹ تے نویں چئیرمین شعبہ سرائیکی IUB،پروفیسر ڈاکٹر ممتاز خان بلوچ، پروفیسر ڈاکٹر ریاض خان سنڈھر،ڈاکٹر بدرمسعود خان، پروفیسر ڈاکٹر ممتاز خان کلیانی،پروفیسر رفعت عباس،پروفیسر قدسیہ قاسم، صدر شعبہ سرائیکی کالجز کمیونٹی پروفیسر محمد الطاف ڈاھر،ڈاکٹر عصمت اللہ شاہ،پروفیسر محمد شاہد سراج،پروفیسر سید خالد مرتضٰی شاہ بخاری، پروفیسر شوکت حسین مغل، پروفیسر محمد ایوب عالم،لیکچرر راشد رسول بلوچ ،لیکچرر سیادت قریشی لیکچررملک حبیب الرحمن للو ،لیکچررعمران میر دے دے نال ٻئے استاداں تے طالبیں تے طالبات دلی مبارخ ݙیندے ہوئیں انہاں دی عملی خدمات کوں زبردست خراج تحسین پیش کیتے۔
