اسلام آباد۔2فروری(اے پی پی) قومی کرکٹ ٹیم دے سابق کپتان بابر اعظم آئی سی سی ٹیسٹ رینکنگ اچ 5 درڄے ترقی دے بعد ہک واری ول ٹاپ 5 اچ آڳئن۔ 29 سالہ بلے باز بابر اعظم پہلے 10 ویں نمبر تے ہن۔ بھارت اتے آسٹریلیا دے بلے بازاں دی اڄوکے ٹیسٹ میچز اچ ناقص کارکردگی پاروں بابر اعظم دی رینکنگ بہتر تھی تے پنجویں نمبر تے آڳئی اے۔ آئی سی سی دی نویںی ٹیسٹ رینکنگ اچ نیوزی لینڈ دے کین ولیمسن پہلے، آسٹریلوی اوپنر عثمان خواجہ ݙو درجے ترقی نال اٹھویں نمبر تے ہین۔ بھارتی کھلاڑی ویرات کوہلی آئی سی سی ٹیسٹ رینکنگ اچ چھیویں، انگلش بلے باز جو روٹ ݙوڄھے، آسٹریلیا دے سٹیو سمتھ اتے کیوی بلے باز ڈیرل مچل دا تریڄھا اتے چوتھا نمبر اے۔
