اسلام آباد۔5فروری (اے پی پی سرائیکی نیوز سروس، ڈاکٹر سعدیہ کمال) وفاقی اردو یونیورسٹی اسلام آباد دے نینگراں “سال پسالی کٹھ ” دا شاندار اہتمام کیتا گیا جیندے اچ سرائیکی وسوں دے سینکڑاں نینگراں توں علاوہ وکھو وکھ زباناں تے ثقافتاں دے نینگر شریک تھئے ۔ ایں سال پسالی کٹھ دا مقصد نینگراں اچ سرائیکی زبان تےثقافت کوں نشابر کرݨ اے ۔تقریب اچ شاعری، جھمر توں علاوہ سرائیکی صوبے دی اہمیت بارے گالھ مہاڑ تھئی ۔۔وفاقی اردو یونیورسٹی دے طالب علماں اچ عہدیاں دا اعلان کیتا ڳیا ۔تقریب اچ صحافیاں، سماجی شخصیات، دانشور، استاد تے ٹبراں سمیت وکھو وکھ علاقیاں دے نمائندے شریک تھئے۔
