دبئی۔7فروری(اے پی پی):انٹرنیشنل کرکٹ کونسل ( آئی سی سی ) ٹیسٹ، ون ڈے اتے ٹی ٹوئنٹی پلیئرز دی رینکنگ جاری کیتی اے۔ ون ڈے رینکنگ اچ پاکستان ٹیم دے سابق کپتان بابر اعظم دی پہلی پوزیشن برقرار اے۔ ون ڈے رینکنگ اچ بھارت دے شبما گل دا ݙوڄھا اتے ویرات کوہلی دا تریڄھا نمبر اے۔ ون ڈے بولرز اچ جنوبی افریقہ دے کیشو مہاراج پہلے نمبر تے ہین۔ ٹی 20 پلیئرز رینکنگ اچ بھارت دے سوریا کمار یادیو دا پہلا نمبر، انگلینڈ دے فلپ سالٹ دا ݙوڄھا اتے پاکستان دے محمد رضوان دا تریڄھا اتے بابراعظم دا چوتھا نمبر اے۔ ٹی ٹوئنٹی بولرز رینکنگ اچ انگلینڈ دے سپنر عادل رشید دا پہلا اتے پاکستان دے حارث رؤف دا 20 واں نمبر اے۔ ٹیسٹ پلیئرز رینکنگ اچ نیوزی لینڈ دے کین ولیمسن پہلی پوڑے تے کھڑن، بابر اعظم دا پنڄواں نمبر اے۔ ٹیسٹ بالرز اچ بھارتی بالر جسپریت بمراہ پہلے نمبر تے ہین۔
