ملتان۔ 08 فروری (اے پی پی):ضلع ملتان اچ 6 قومی تے 12 صوبائی نشستاں تے انتخابات تھیندے پئن جنھاں اچ سابق وزیراعظم یوسف رضا گیلانی، قومی اسمبلی دے سابق چیف وہپ ملک عامرڈوگر اتے استحکام پاکستان پارٹی دے سربراہ جہانگیرخان ترین سودھے کئی اہم قومی رہنما حصہ گھندے پئن ۔ ایں ضلع اچ رجسٹرڈ ووٹرزدی کل تعداد 31 لکھ 10 ہزار 191 اے جنھاں اچوں 16 لکھ 40 ہزار497 مرد اتے 14 لکھ 69 ہزار 694 تریمت ووٹرز ہن۔پورے ضلع اچوں 18 سو توں ودھ پولنگ سٹیشن بݨائے ڳئن ۔ ڈپٹی کمشنر ملتان کیپٹن ریٹائرڈ رضوان قدیر موجب ملتان پولنگ ٹھیک 8 وڄے شروع کرݙتی ڳئی اے ۔ سارے پولنگ سٹیشناں تے پریذائیڈنگ افسرزاتےعملہ موجود اے۔ڈپٹی کمشنر ݙسایا جو انتخابات پرامن بݨاوݨ سانڳے 262 پولنگ سٹیشناں تے کیمریں نال مانیٹرنگ کیتی ویسی ۔
