ملتان۔ 08 فروری (اے پی پی):چیئرمین استحکام پاکستان پارٹی جہانگیر خان ترین لودھراں اچ آپݨا ووٹ پاتے،انہاں 12ایم پی آرگیلے وال پولنگ سٹیشن تے ووٹ پاتے ۔ ایں موقع تے انہاں صحافیاں نال ڳالھ مہاڑ کریندے ہوئیں آکھیے جو اے میݙے گھر داپولنگ سٹیشن اے ، ووٹ ھک امانت اتے طاقت اے جیں کوں ضائع نی کرݨا چاہیدا ،سارے لوک ووٹ پاوݨ سانڳے گھروں نکلن ۔ ھک سوال دے جواب اچ انہاں آکھیے مستحکم حکومت بݨݨی چاہیدی اے جیڑھی پنج سال قائم رہے تاں جو معیشت مستحکم تھیوے، معیشت مستحکم تھیسی تاں ملک تکڑا تھیسی ۔
