اسلام آباد۔8فروری (اے پی پی سرائیکی نیوز سروس، ڈاکٹر سعدیہ کمال)الیکشن 2024 ،8 فروری دی شام کوں خیر نال اخیر تھئی ۔پولنگ اسٹیشن دے باہر نینگر ای نینگر ان ہر پاسے ۔سرائیکی نیوز سروس موجب سبھے سیاسی پارٹیاں دے نینگر نعرے لیندے یک بئے دے سامھے ہن ۔ڈر ہا جو کتھائیں نینگر آپت اچ نعرے مریندے لڑ بھڑ نہ پوون، پر شکر اے الیکشن خیر سلامتی نال توڑ کوں پجے۔امن امان دی صورت حال بہوں چنگی رہی کتھاہیں وی کوئی ناخوشگوار واقعہ نی تھیا اے اطمنان دی گالھ اے جیندے نال پاکستان دی مثبت چہرہ دنیا دے سامݨے آندے۔
