واشنگٹن۔13فروری(اے پی پی) امریکا اچ پاکستانی سفیر مسعود خان آکھیے جو پاکستان دی معیشت دا دائرہ کار وسیع تھیندا پئے، امریکا اچ موجود سرمایہ کار پاکستان اچ آپݨی سرمایہ کاری اچ ودھارا کروں تے کھنڈدی ہوئی معیشت اچ کاروباردوست پالیسیاں توں فیدہ چاون ، حکومت پاکستان کاروبار سانڳے ضروری منظوریاں دے عمل کوں تکھا کرݨ ، سرخ فیتے دا خاتمہ کرݨ تے سرمایہ کاراں کوں ہر ممکن سہولتاں وختی پڄاوݨ سانڳے خصوصی سرمایہ کاری سہولت کونسل بݨائی اے۔سفیر پاکستان مسعود خان اے ڳالھ پاکستان امریکن ایسوسی ایشن آف گریٹر ہیوسٹن، پاکستان امریکن ایسوسی ایشن آف ٹیکساس اتے پاکستان امریکن کمیونٹی آف اٹلانٹا دی قیادت نال ورچوئل ملاقات اچ آکھی اے ۔
