اسلام آباد۔13فروری(اے پی پی)پاکستان سپر لیگ (پی ایس ایل) دے نویں ایڈیشن کیتے ٹرافی دی رونمائی کر ݙتی ڳئی اے۔ رونائی لاہور دے پولو گراؤنڈ اچ تھئی۔ تقریب اچ پی ایس ایل دیاں ساریاں ٹیماں دے کپتاناں شرکت کیتی۔ ایں موقع تے چیئرمین پی سی بی محسن نقوی، فرنچائز مالکان، ایچ بی ایل دے نمائندے وی موجود ہن۔ ٹرافی کوں “دی اورین ٹرافی” دا ناں ݙتا ڳئے۔ خالص چاندی نال ٻݨی اتے سفید سونے اچ ولھیٹی اے سوحݨی ٹرافی پروقار اے۔ پی ایس ایل 9 دی باقاعدہ شروعات 17 فروری توں تھیسی۔ قذافی سٹیڈیم افتتاحی تقریب سودھا 9 میچاں دی میزبانی کریسی۔
