لاہور۔14فروری(اے پی پی)چیئرمین پی سی بی محسن نقوی لاہور اچ نیشنل کرکٹ اکیڈمی دا دورہ کیتے اتے اتھاں تزئین وآرائش دے کم کوں ݙٹھے۔ او نیشنل کرکٹ اکیڈمی دے کرکٹ میوزیم وی ڳن اتے میوزیم کوں اپ گریڈ کرݨ دی لوڑھ تے زور ݙتے۔ انہاں آکھیے جو میوزیم اچ عالمی ٹورنامنٹ جیتݨ تے ملݨ آلیاں ٹرافیاں اتے ٻئے انعامات کوں این حالت اچ رکھݨ بالکل مناسب نئین، میوزیم اچ شئیں کوں بین الاقوامی معیار دے مطابق رکھݨا چاہیدے۔ انہاں کرکٹ میوزیم کھلی اتے چنڳی ڄاہ تے منتقل کرݨ دا پلان منڳ ڳھدے۔ چیف سیکرٹری زاہد اختر زمان، چیف آپریٹنگ آفیسر پی سی بی سلمان نصیر، سیکرٹری تعمیرات ومواصلات اتے متعلقہ حکام وی انہاں دے نال ہن۔
