اسلام آباد۔15فروری (اے پی پی سرائیکی نیوز سروس: ڈاکٹر سعدیہ کمال) انڈس کلچرل فورم ولوں ادبی میلہ پاکستان نیشنل کونسل آف دی آرٹس اسلام آباد اچ سولہاں توں اٹھاراں فروری تئیں تھیندا پئے ۔ جیندے اچ ملک بھر توں ہک سو تریھ وکھو وکھ مادری زباناں دے دانشور لکھاری شریک تھیسن ۔ میلے دی افتتاحی تقریب جمعہ دی شام 5 وجے تھیسی ۔چھݨ چھݨ دی شام کوں مادری زباناں دا مشاعرہ تھیسی تے آݙت کوں مادری زباناں دی موسیقی پیش کیتی ویسی ۔سرائیکی زبان دی نمائندگی ، رانا محبوب اختر، مظہرعارف ، حفیظ خان ،عزیز شاہد ڈاکٹر ممتاز کلیانی ،ڈاکٹر مزمل حسین،ڈاکٹر سعدیہ کمال ،مدثر بھارا ،جاوید عارف تے ندیم قیصراچوی ہوسن ۔
