اسلام آباد ۔ 25 مئی (اے پی پی) وزیراعظم محمد نواز شریف پشاوراچ دہشتگردی دے واقعہ دی مذمت کیتی اے جئیں اچ ایف سی دے ترائے اہلکار شہید تھیے۔وزیرا عظم آفس ولوں بیان دے مطابق وزیر اعظم سکیورٹی اہلکاراں کوں خراج عقیدت پیش کیتا جنہاں آپنڑے شہریاں دے تحفظ دا اعلیٰ فرض نبھیندیں ہوئیں شہادت پاتی۔وزیر اعظم آکھیا جو قانون نافذ کرنڑ آے اداریاں دی بے مثال قربانیاں دہشت گرداں دے مکروہ عزائم دے خلاف پاکستان دے تحفظ سانگے ہن ۔انہاں آکھیا جو اللہ سئیں شہیداں دی روح کوں جنت اچ جاہ ڈیوے اتے سوگوار ٹبر کوں صبر ڈیوے۔
